Etxepare sarirako lanak maiatzaren 22ra arte aurkezten ahalko dira

Etxepare sarirako lanak aurkezteko prozedura eta epea irekia bazen ere, COVID-19ak sortutako osasun larrialdiaren ondorioz antolatzaileak diren toki entitateek (Bortzirietako Euskara Mankomunitatea barne) honako hau jakinarazi nahi diete sari horretara lana aurkeztu nahi dutenei:

  • Lanak entregatzeko epea luzatu eginen da, hau da, maiatzaren 22a izanen da lanak entregatzeko azken eguna. Honekin bermatu nahi duguna da aurten argitaratu ahal izatea lan irabazlea.
  • Nolanahi ere, jabetzen gara egile batzuk zailtasunak izanen dituztela lanak inprimatzeko edota bidaltzeko. Horiek horrela, aukera izanen da lanak e-posta bidez bidaltzeko. Zehazki, info@etxeparesaria.eus helbidera bidali beharko dira, batetik lana bera eta bestetik egileen datuak, oinarrietan ezarritako jarraibideei jarraituz.

Nafarroako euskara zerbitzuok idazleak, egileak eta ilustratzaileak animatu nahi ditugu haien lanak egiten jarraitzera, aurten saria emanen dela bermatua baitago.

Edozein argibidetarako, idatzi info@etxeparesaria helbidera.

Antolatzaileak:

Agoizko Udala; Antsoaingo Udala; Atarrabiako Udala; Barañaingo Udala; Baztango Udala; Berriobeitiko Udala; Berriozarko Udala; Bortzirietako Euskara Mankomunitatea; Burlatako Udala; Esteribarko Udala; Galar Zendeako Udala; Garesko Udala; Nafarroako Iparraldeko Euskara Mankomunitatea; Irantzu Mankomunitatea; Iruñeko Udala; Estella-Lizarrako Udala; Malerrekako Mankomunitatea; Sakanako Mankomunitatea;  Tafallako Udala; Uharteko Udala; Zaraitzu eta Erronkariko Batzorde Nagusiak eta Zizur Nagusiko Udalaren Kultur Patronatua.

Laguntzaileak: Pamiela argitaletxea eta Galtzagorri elkartea

Babeslea: Nafarroako Gobernua