Bortzirietako Euskaltzaleen Mugimenduak apirilaren 19tik maiatzaren 6ra bitarte hainbat ekintza antolatu ditu Borborraldia izeneko zikloaren baitan. Hona hemen egitarau osoa:
Apirilaren 19an, asteazkenean, Bor-bor taldeak eta Bortzirietako Euskara Mankomunitateak, elkarlanean, Euskara harrera hizkuntza izeneko formazio-saioak antolatu dituzte, Amelia Barquin irakasleak gidatuta. Goizeko saioa eragile instituzionalei eskainia izanen da, eta arratsaldekoa, aldiz, eragile sozialei zuzendua (18:00etatik 20:00etara Berako Beralandetan). Arratsaldekoan izena emateko: https://bortziriak.eus/harrera-bera/
