Ernatu zikloa garatu du Bortzirietako Euskara Zerbitzuak hilabete osoan herriz herri. Halere, irailaren 17an Igantzin Bortzirietako eragileekin egitekoa zen foroa gibeleratzea erabaki zen, gaia hobeki lantzeko helburuarekin. Foroak badu hitzordu berria: urriaren 26an, 19:00etan, Igantziko Baratzondo Elkartean.
Foro horretara deituak daude Bortzirietako elkarte, erakunde eta era guzietako eragileak. Euskararen egungo egoera eta etorkizunerako aurreikusten den bilakaera ikusita, entitateei hizkuntzaren garapenean aitzinera pausuak emateko konpromiso zehatzak har ditzaten proposatuko zaie. Entitate bakoitzak erabakiko du zein neurritako konpromisoak hartu nahi dituen.