Ikasturte honetan euskara ikastea debalde Bortzirietan

Urteroko matrikulazio kanpainaren harira eta bereziki hizkuntzak eta euskara ikastea debalde izateari buruz hainbat lagunen esperientzia eta iritziak bildu ditugu. Alde batetik, atzerrira bizitzera joandako bi bortziritar gazteren lekukotzak bildu ditugu. Harrera herrialdeko hizkuntza ikasteko izan dituzten erraztasun eta zailtasunen berri eman digute. Bertze aldetik, euskara ikasten ari diren zenbait lagunen iritziak bildu ditugu; euskara ikastea debalde izatearen perspektibak eurengan eragin duen bultzada azpimarratu digute.

Bildu dugun bigarrengo lekukotza Lorea Saroberena da. Beratarra da eta Inglaterran bizi da. Kirol koordinatzailea da.