OPORRALDIA EUSKARAZ GOZATZEKO ESKAINTZA
Azken bi hamarkadotan urtero antolatu ditu udalekuak Bortzirietako Euskara Mankomunitateak. Euskaraz eskolatuak diren 3-12 urte bitarteko haur bortziritarrei zuzendutako eskaintza da, helburu nagusia duena aisialdi giroan haurren artean euskararen erabilera sustatzea.
Azken urteotan 200dik goitik neska-mutikok parte hartu izan dute udalekuetan, eta 20 bat begirale aritu izan dira programa hau dinamizatzen eta kudeatzen. Udalekuak Bortzirietako herri guzietan eskaintzen dira.
